ವಿಂಡೋಸ್ ನಲ್ಲಿ  ನಿಮ್ಮ ಕಂಪ್ಯೂಟರ್ ಮದರ್ ಬೋರ್ಡ್ ಮಾದರಿಯನ್ನು ಪರಿಶೀಲಿಸುವುದು ಹೇಗೆ?

ಸ್ಮಾರ್ಟ್ಫೋನ್, ಕಂಪ್ಯೂಟರ್ ಹಾಗೂ ಲ್ಯಾಪ್ಟಾಪ್ ಬಳಕೆ ದಿನೇ ದಿನೇ ಜಾಸ್ತಿ ಆಗ್ತಿದೆ. ನಾವು ತಂದೆ-ತಾಯಿಯನ್ನ ಬೇಕಾದರೂ ಬಿಟ್ಟು ಇರುತ್ತೇವೆ ಆದರೆ ಈ ಎಲೆಕ್ಟ್ರಾನಿಕ್ ಗ್ಯಾಜೆಟ್‌ಗಳು ಮಾತ್ರ ಬಿಟ್ಟಿರಲು ಸಾದ್ಯವಿಲ್ಲ ಅನ್ನೋ ಪರಿಸ್ಥಿತಿ ಗೆ ಬಂದು ನಿಂತಿದ್ದೇವೆ .

ನಾವೆಲ್ಲರೂ ಎಲೆಕ್ಟ್ರಾನಿಕ್ ಗ್ಯಾಜೆಟ್‌ಗಳಿಗೆ ವ್ಯಸನಿಯಾಗಿದ್ದೇವೆ, ಇತ್ತೀಚಿನ ದಿನಗಳಲ್ಲಿ ಕಂಪ್ಯೂಟರ್ಗಳ ಬಳಕೆ, ಅದರ ಅವಶ್ಯಕತೆ ತುಂಬಾನೇ ಇದೆ. ನಾವೀಗ ಡೆಸ್ಕ್‌ಟಾಪ್ ಕಂಪ್ಯೂಟರ್‌ಗಳು ಅಥವಾ ಲ್ಯಾಪ್‌ಟಾಪ್‌ಗಳ ಬಗ್ಗೆ ಮಾತನಾಡಿದರೆ, ಮದರ್‌ಬೋರ್ಡ್ ಅನ್ನೋದು ಮುಖ್ಯ ಅಂಶಗಳಲ್ಲಿ ಒಂದಾಗಿದೆ ಮತ್ತು ನಾವು ಅದನ್ನು ಕಂಪ್ಯೂಟರ್‌ನ ಹೃದಯ ಎಂದು ಕರೆಯುತ್ತೇವೆ.

ನಿಮ್ಮ ಕಂಪ್ಯೂಟರ್‌ನಲ್ಲಿನ ಪ್ರತಿಯೊಂದು ಘಟಕವನ್ನು ನೀವು ಅರ್ಥಮಾಡಿಕೊಳ್ಳಬೇಕು, ಅದು ಖಂಡಿತವಾಗಿಯೂ ನಿಮಗೆ ಹಲವು ರೀತಿಯಲ್ಲಿ ಸಹಾಯ ಮಾಡುತ್ತದೆ. ಉದಾಹರಣೆಗೆ, ಲ್ಯಾಪ್‌ಟಾಪ್‌ನ RAM ಮತ್ತು ROM ದಕ್ಷತೆಯನ್ನು (Efficiency) ತಿಳಿಯದೆ ನೀವು ಯಾವ ಲ್ಯಾಪ್ಟಾಪ್ ಅನ್ನು ಖರೀದಿ ಮಾಡೋದೆ ಇಲ್ಲ, ಹಾಗೆ ನಾವು ಯಾವತ್ತೂ ಮದರ್‌ಬೋರ್ಡ್ ಮಾದರಿಯನ್ನು ತಿಳಿಯದೆ RAM ಅನ್ನು ಖರೀದಿಸಬಾರದು.

ಹಾಗಾದರೆ ಮದರ್‌ಬೋರ್ಡ್ ಮಾದರಿಯನ್ನು ಹೇಗೆ ತಿಳಿದುಕೊಳ್ಳೋದು?

ಮದರ್ ಬೋರ್ಡ್ ಮಾದರಿ ತಿಳಿದುಕೊಳ್ಳಲು ಲ್ಯಾಪ್ಟಾಪ್ ಬಿಚ್ಚಬೇಕ ? ಅಥವಾ ಬಿಲ್ ರಶೀದಿ ಮೇಲೆ ಮುದ್ರಿಸಲಾಗಿದ್ಯ? ಅದರ ಅವಶ್ಯತೆ ಇಲ್ಲ. ವಿಂಡೋಸ್ ನಲ್ಲಿ ನಿಮ್ಮಲ್ಲಿರುವ ಮದರ್ಬೋರ್ಡ್ ಅನ್ನು ಹೇಗೆ ಪರಿಶೀಲಿಸುವುದು ಎಂಬುದರ ಕುರಿತು ನಾವು ಹಂತ ಹಂತವಾಗಿ ವಿವರಿಸಿದ್ದೇವೆ ನೋಡಿ.

  1. ರನ್ ಡೈಲಾಗ್ ಬಾಕ್ಸ್ ಮೂಲಕ

ಈ ವಿಧಾನದಲ್ಲಿ, ನಾವು ಮದರ್ಬೋರ್ಡ್ ಮಾದರಿಯನ್ನು ಕಂಡುಹಿಡಿಯಲು ರನ್ ಸಂವಾದ ಪೆಟ್ಟಿಗೆಯನ್ನು ಬಳಸಲಿದ್ದೇವೆ.

  • ನಿಮ್ಮ ಕೀಬೋರ್ಡ್‌ನಲ್ಲಿ ವಿಂಡೋಸ್ ಕೀ ÿ + ಆರ್(r) ಒಟ್ಟಿಗೆ ಒತ್ತಿರಿ. ಇದು ರನ್ ಸಂವಾದ ಪೆಟ್ಟಿಗೆಯನ್ನು ತೆರೆಯುತ್ತದೆ. ರನ್ ಡೈಲಾಗ್ ಬಾಕ್ಸ್‌ನಲ್ಲಿ, ‘msinfo32’ ಅನ್ನು ನಮೂದಿಸಿ ಮತ್ತು ‘ok’ ಬಟನ್ ಕ್ಲಿಕ್ ಮಾಡಿ ಅಥವಾ ‘ಎಂಟರ್ ‘ ಬಟನ್ ಒತ್ತಿರಿ.
  • ಸಿಸ್ಟಮ್ ಮಾಹಿತಿ ಪುಟದಲ್ಲಿ, ‘ಸಿಸ್ಟಮ್ ಸಾರಾಂಶ’ ಟ್ಯಾಬ್ ಕ್ಲಿಕ್ ಮಾಡಿ. ಬಲ ಫಲಕದಲ್ಲಿ, ‘ಬೇಸ್‌ಬೋರ್ಡ್ ತಯಾರಕ’ ಮತ್ತು ‘ಬೇಸ್‌ಬೋರ್ಡ್ ಉತ್ಪನ್ನ’ ಪರಿಶೀಲಿಸಿ.
  1. ಕಮಾಂಡ್ ಪ್ರಾಂಪ್ಟ್ ಮೊಲಕ

ಈ ತಂತ್ರದಲ್ಲಿ ನಾವು ಕಮಾಂಡ್ ಪ್ರಾಂಪ್ಟ್ ಬಳಕೆಯಿಂದ ಲ್ಯಾಪ್‌ಟಾಪ್‌ನ ಮದರ್ಬೋರ್ಡ್ ಮಾದರಿಯನ್ನು ಕೇವಲ 4 ಹಂತದಲ್ಲಿ ತಿಳಿದುಕೊಳ್ಳಬಹುದು.

  1. ಮೊದಲು ವಿಂಡೋಸ್ ಕೀ ÿ ಒತ್ತಿದ ನಂತರ ‘cmd’ ಎಂದು ಟೈಪ್ ಮಾಡಿ. ಕಮಾಂಡ್ ಪ್ರಾಂಪ್ಟ್ ಮೇಲೆ ಬಲ ಕ್ಲಿಕ್ ಮಾಡಿ ಮತ್ತು ನಂತರ ‘Run as administrator’ ಆಯ್ಕೆಯನ್ನು ಆರಿಸಿ.
  2. ಕಮಾಂಡ್ ಪ್ರಾಂಪ್ಟ್‌ನಲ್ಲಿ, ಈ ಕೆಳಗಿನ ಆಜ್ಞೆಯನ್ನು ಪೇಸ್ಟ್ ಮಾಡಿ ಅಥವಾ ಟೈಪ್ ಮಾಡಿ

    wmic baseboard get product,Manufacturer


    ಅಂತಿಮವಾಗಿ ಕಮಾಂಡ್ ಪ್ರಾಂಪ್ಟ್ ನಿಮ್ಮ ಲ್ಯಾಪ್‌ಟಾಪ್‌ನ ಮದರ್‌ಬೋರ್ಡ್ ತಯಾರಕ ಮತ್ತು ಮಾದರಿ ಸಂಖ್ಯೆಯನ್ನು ತೋರಿಸುತ್ತದೆ.

 

ಹೀಗೆ ನೀವು ನಿಮ್ಮ ವಿಂಡೋಸ್ ನಲ್ಲಿನ ಮದರ್ಬೋರ್ಡ್ ಮಾದರಿ ಮತ್ತು ಆವೃತ್ತಿಯನ್ನು ಪರಿಶೀಲಿಸಬಹುದು.

ನೀವು ಈ ಲೇಖನವನ್ನು ಇಷ್ಟಪಡುತ್ತೀರಿ ಎಂದು ನಾನು ಭಾವಿಸುತ್ತೇನೆ, ಹಾಗಿದ್ದರೆ ದಯವಿಟ್ಟು ಅದನ್ನು ನಿಮ್ಮ ಸ್ನೇಹಿತರೊಂದಿಗೆ ಹಂಚಿಕೊಳ್ಳಿ. ಇದಕ್ಕೆ ಸಂಬಂಧಪಟ್ಟ ಯಾವುದೇ ನೀವು ಹೊಂದಿದ್ದರೆ, ನೀವು ಈ ಕೆಳಗಿನ ಕಾಮೆಂಟ್ ಬಾಕ್ಸ್‌ನಲ್ಲಿ ನಮಗೆ ತಿಳಿಸಿ.

Related:   ಗೂಗಲ್ ಖಾತೆಯಲ್ಲಿ ಸ್ಟೋರೇಜ್ ಉಳಿಸುವ ಸುಲಭ ಮಾರ್ಗ

Leave a Reply

Your email address will not be published.

error: Content is protected !!